11:00, 7 июня 2023 г.

Түркістан облысының полицейлері заңсыз мал сою фактілерін анықтады

фото: polisia.kz

Түркістан облысы ПД ұйымдасқан қылмысқа қарсы күрес басқармасы мен жергілікті полиция қызметінің полицейлері, ветеринариялық бақылау инспекторларымен бірлесіп, мал ұрлығының алдын алып, жолын кесуге, сондай-ақ мал сою цехтары қызметінің заңдылығын тексеруге бағытталған профилактикалық іс-шара өткізді, – деп хабарлайды Polisia.kz.

Іс-шара барысында полицейлер Сайрам ауданының аумағында тиісті рұқсатсыз және құжаттарсыз жұмыс жасаған мал сою фактілерін анықтады. Анықталған бес жергілікті тұрғыннан 6 тоннадан астам ет пен төрт бас ірі қара мал тәркіленді.

Қазіргі уақытта ӘҚБтК-нің 406-бабы (Қазақстан Республикасының ветеринария саласындағы заңнамасын бұзу) бойынша жиналған материалдар әкімшілік сипаттағы шаралар қабылдау үшін Сайрам ауданы бойынша ветеринариялық бақылау және қадағалау инспекциясына жіберілді.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции

#Полиция