Түркістан облысының тұрғынынан трамадол дәрісі тәркіленді

Төлеби аудандық полция бөлімінің қызметкерлері әсері күшті психотроптық дәрі-дәрмектерді сату, қолдану деректерінің алдын алу мақсатында рейдтік іс-шараларды жүргізіп келеді. Осындай кезекті тексеру кезінде тәртіп сақшылары жүрісі күдік тудырған жергілікті тұрғынды тоқтатты, – деп хабарлайды Polisia.kz.

Тінту барысында оның сыртқы киімінің қалтасынан үш дана трамадол дәрісі табылды.

Полицейлер аталған жайтты ҚР ҚК-нің 296-бабы (Есірткі, психотроптық заттармен, сол тектестермен, прекусорлармен өткізу мақсатынсыз заңсыз жұмыс істеу) бойынша тіркеуге алды.

Тексеру барысында күдікті ер адам психотроптық трамадол дәріні өзіне қолданып жүргенін жеткізді. Қазіргі таңда сотқа дейінгі тергеп-тексеру амалдары жүргізіліп жатыр.