Түркістан облысының полиция департаментінде саптық байқау өтті

Видео

фото: polisia.kz

Түркістан облысы полиция департаменті ғимаратының алаңында жеке құрамның жалпы гарнизондық саптық байқауы өтті. Негізгі мақсат – қоғамдық тәртіпті сақтау және жол қауіпсіздігінің алдын алу бойынша тапсырмаларды орындауда жеке құрамның даярлығын тексеру. Байқауға департамент басшылығы мен сыртқы құрылым сақшылары қатысты, – деп хабарлайды Polisia.kz.

Іс-шараның ашылуында ҚР Мемлекеттік Туы салтанатты түрде кіргізілді. Түркістан облысы полиция департаментінің бастығы Мұрат Қабденов жеке құрамға қоғамдық тәртіпті қамтамасыз ету қызметін лайықты, сапалы атқаруды тапсырды. Шара кезінде облыстың бас полицейі тәртіп сақшыларының нысанды киімдерін, қызметтік куәлік, бейнежетон мен планшеттердің жарамдылығын, сондай-ақ қызметтік автокөліктің техникалық жағдайын тексерді.

Саптық байқау соңында қызметтік міндеттерін атқаруға кіріскен жеке құрамның салтанатты шеруі мен патрульдік полицияның автоэкипаждарының жүріп өтуі ұйымдастырылды. Айта кетейік, бұдан былай гарнизондық таратулар ай сайын жүргізілетін болады.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции

#Полиция