12:06, 22 мая 2023 г.

Түркістан облысында жанар-жағармайды заңсыз тасымалдауға қатысты 150-ден астам құқық бұзушылық анықталды

фото: polisia.kz

Түркістан облысында 15 мамырдан бастап жанар-жағармай материалдарын елден тыс жерлерге тасымалдауға жол бермеу, сондай-ақ тиісті рұқсатсыз қайта жабдықталған көлік құралдарын анықтау бойынша рейдтік іс-шарасы өтіп жатыр. Осы бағыттағы Түркістан облысы тәртіп сақшыларының 4 күндік жұмыс қорытындысы бойынша жалпы 710 жүк көлігі тексерілді, – деп хабарлайды Polisia.kz.

Нәтижесінде белгіленген талапқа сай келмей, көлігіне қосымша отын бактарын орнатуға қатысты 153 жайт анықталды. Оның ішінде 63 жүк көлігінің жүргізушісіне қатысты Қазақстан Республикасы ӘҚБтК-нің 590-бабының 7-бөлігімен хаттама толтырылды. Ал ҚР ӘҚБтК-нің 590-бабының 5-бөлігімен 85 құқық бұзушыға әкімшілік шара көрілді. Сонымен қатар ӘҚБтК-нің 590-бабының 8- бөлігімен 5 жүк көлігіне хаттама толтырылса, 12 жүк көлігі айыптұраққа қойылды.

Түркістан облысының полицейлері жүргізушілерді жол қауіпсіздігін қатаң сақтауға шақырады. Сондай-ақ жанар-жағармайды заңсыз тасымалдауға жауапкершілік қарастырылғанын ескертеді.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции

#Полиция