12:00, 25 апреля 2023 г.
Түркістан облысында полицияға 87 қару мен 700-ден астам оқ тапсырылды
фото: polisia.kz
10 сәуірден бастап Түркістан облысының полицейлері “Заңсыз сақталған атыс қаруын, оқ-дәріні және жарылғыш заттарды азаматтардан сатып алу” акциясын өткізіп жатыр. Полицейлер облыс тұрғындарына тіркелмеген қаруларды өткізіп, сыйақы алуға болатындығын жіті түсіндірді, – деп хабарлайды Polisia.kz.
Нәтижесінде тәртіп сақшыларына 11 тәулік ішінде 61 азамат өз еркімен 87 отты атыс қаруын тапсырды. Оның ішінде 74-і тегіс ұңғылы болса, 13-і ойық кіші калибрлі мылтық. Сондай-ақ 700-ден астам оқ алынды. Қазіргі уақытта мылтықтарға сот-баллистикалық сараптама тағайындалды. Қарудың техникалық жай-күйіне байланысты комиссия отырысы барысында азаматтарға ақшалай қаражат төлеу туралы шешім қабылданады.
Түркістан облысының полицейлері тұрғындарға акция барысында заңсыз сақтаудағы қару-жарақ пен оқ дәрілерді ақшалай өтемақыға тапсыруға шақырады. Тіркелмеген атыс қаруын, оқ-дәрілер мен жарылғыш заттарды өз еркімен тапсырған азаматтар қылмыстық және әкімшілік жауапкершіліктен босатылады.
Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
Последние новости
Объявления
14:39, 15 апреля
live comments feed...