Видео
10:30, 25 апреля 2023 г.
Шымкентте 32 шетелдік азамат ел аумағынан аластатылды
Видео
фото: polisia.kz
Мегаполис аумағында заңсыз көші-қонның жолын кесу, шетелдіктер арасында құқықтық тәртіпті қамтамасыз ету мақсатында полиция қызметкерлері жүйелі жұмыс істеп келеді. Атап айтқанда, мегаполис сақшылары шетелдіктер мен азаматтығы жоқ адамдардың көші-қон заңнамасын сақтауын қатаң бақылауға алған, – деп хабарлайды Polisia.kz.
Мәселен, 2023 жылдың 3 айында Шымкентте 3591 шетелдік және азаматтығы жоқ тұлғалар тіркеуге алынды. Оның ішінде, 218 азамат алыс шетелден, 3373 адам ТМД елдерінен келген.
Сондай-ақ көші-қон заңнамасын бұзған 873 шетелдік пен ҚР-сы азаматтары анықталып, заң жүзінде жауапкершілікке тартылды. Оның 439-ы – өзге елдің азаматы. Сот шешімімен 32 шетелдік ел аумағынан аластатылды. Сонымен қатар шетелдік жұмыс күшін заңсыз пайдаланған 59 тұлға мен оларды тұрғын үймен қамтамасыз еткен 204 Қазақстан Республикасының азаматы әкімшілік жауапкершілікке тартылды.
Шымкент полициясы қала тұрғындары мен қонақтарын көші-қон заңнамасын бұзбауға шақырады. Шетелдік жұмыс күшін заңсыз пайдаланбауды және оларды тұрғын үймен қамтамасыз етпеуді ескертеді.
Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
Последние новости
Объявления
14:38, 15 апреля
5
live comments feed...