Шымкентте бір апта ішінде “102” арнасына 6 мыңға жуық қоңырау түсті

11-16 сәуір аралығында Шымкент қаласы полиция департаменті жедел басқару орталығының “102” арнасына 5727 әр түрлі сипаттағы қоңыраулар шалынған. Оның 2592 тіркеуге алынып, қазіргі таңда тергеу амалдары жүргізіліп жатыр, – деп хабарлайды Polisia.kz. 

Бір апта ішінде бейнебақылау камераларының көмегімен 11 қылмыс ашылған. Оның ішінде: ұрлық – 6, тонау – 1, басқа да – 4.

Бейнебақылаулар заңбұзушылықтың алдын алуға, қылмыстың ізін суытпай ашылуына үлкен көмегін тигізіп келеді. Сондай-ақ нөлдік төзімділік қағидасы және әкімшілік құқық бұзушылық бойынша 1058 жайт анықталып, әкімшілік хаттама толтырылды.

Оның ішінде: нөлдік төзімділік бойынша – 261, жол ережесін бұзған – 635, одан басқа да 105 жайт анықталды.