• Главная
  • Түркістан облысы ПД-да музей ісін жандандыру мәселелері қаралды
Видео
09:50, 31 марта 2023 г.

Түркістан облысы ПД-да музей ісін жандандыру мәселелері қаралды

Видео
фото: polisia.kz

фото: polisia.kz

Тарихы терең Түркістан облысында “ІІО тарихи мұрасын сақтау мен насихаттау” тақырыбында алғаш рет үш күнге жоспарланған семинар-кеңес өткізіліп жатыр, – деп хабарлайды Polisia.kz.

Ауқымды іс-шараға ҚР ІІМ Идеологиялық және имидждік департаменті басқарма бастығының орынбасары Саят Байкенов, ҚР ІІМ мұражайының басшысы Алмагүл Сатмағанбетова, мұражай қызметкері Бибінұр Мусина, сондай-ақ бірқатар облыстардың мамандары мен мұражай меңгерушілері келді. Полиция ғимараттарында ерлік бұрыштарын жасауда архивтік материалдарды пайдаланудың әдіс-тәсілдерін меңгеру үшін Түркістан облысындағы полиция бөлім, басқармаларының кадр саласы бойынша басшылары да қатыстырылды.

Тәжірибе алмасу мақсатында ұйымдастырылған дөңгелек үстелді Түркістан облысы ПД бастығының орынбасары Б.Сапар ашты. Одан әрі министрліктен келген С.Байкенов, А.Сатмағанбетовалар “Архив-2025” мемлекеттік бағдарламаны іске асыру шеңберінде ІІО музейлері дамуының негізгі бағыттары бойынша баяндама жасады. Бейнежазбалар қолданыла отырып, музей ісін жандандыру мәселелері қаралды. Практикалық сабақтар ұйымдастырылды.

Іс-шараның негізгі мақсаты – Ұлы Отан соғысы ардагерлерінің ерлігін, ішкі істер саласында үлгілі қызмет атқарған, қызмет бабында ерлікпен қаза тапқан полицейлердің есімін ұмытпау, ішкі істер органдарының тарихын зерделеу, ІІО мұражай ісінің дамуына үлес қосу.

Семинардың алғашқы күні Жеңіс саябағындағы Ұлы Отан соғысы ардагерлерінің ескерткішіне гүл шоқтарын қою рәсімімен қорытындыланды.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
#Полиция
Объявления
live comments feed...