• Главная
  • Шымкентте есірткі заттарын өткізген тұрғын ұсталды
14:20, 26 января 2023 г.

Шымкентте есірткі заттарын өткізген тұрғын ұсталды

фото: pixabay.com

фото: pixabay.com

Шымкент қаласының қылмыстық істер жөніндегі мамандандырылған ауданаралық сотында 32 жастағы жергілікті тұрғынға қатысты қылмыстық іс қаралды. Ол қылмыстық қудалау органымен электрондық ақпараттық ресурстарды пайдалану арқылы есірткі заттарын өткізгені үшін айыпталды.

Белгілі болғандай, аталған азамат интернет желісінде өзіне белгісіз азаматтармен танысып, олармен алдын ала сөз байласып, белгілі бір мөлшерде төленуі тиіс болған сыйақы үшін онымен электрондық ақпараттық ресурстарды пайдалану арқылы, психотропты заттарды заңсыз иемдену, сақтау, тасымалдау және оларды өткізу туралы өзара келісімге келген.

Осы мақсатта, ол 2022 жылдың наурыз айында таңғы уақытта, интернет желісі арқылы өзі танымайтын тұлғаның жолдаған нұсқауымен белгіленген жерден есірткі заттарын алып, оны өткізу мақсатында өзіне ыңғайлы жерлерге жасыруды көздеген. Дегенмен оның ойы іске аспай, әкімшілік аумақты тексеруге шыққан полиция қызметкерлерімен құрықталған. Ұсталған жерде ол тәртіп сақшыларына 20 дана полиэтилен қапшықтарына оралған жалпы салмағы 10,3765 грамды құрайтын пирролидиновалерофенон (a-PVP) психотропты затын өз еркімен тапсырған.

Шымкент қаласының қылмыстық істер жөніндегі мамандандырылған ауданаралық сотының үкімімен айыпталушы ҚР ҚК-нің 28-бабы 5-бөлігі, 297-бабы 3-бөлігінде көзделген қылмыстық құқық бұзушылық белгілерімен кінәлі деп танылып, оған осы баппен 10 жыл мерзімге бас бостандығынан айыру жазасы тағайындалды.

Сотпен сотталушының жазасын қылмыстық-атқару жүйесінің қауіпсіздігі барынша жоғары мекемелерінде өтеу белгіленді.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
#Полиция
Объявления
live comments feed...